اپنی  زبان ميں ہیپاٹائٹس سی کے بارے میں مزید جانيے۔

یہ ویب سائٹ ہیپاٹئٹس سی کے بارے میں بنیادی اورتازہ ترین معلومات اونٹیریو میں بسنے والی بڑی ایمیگرنٹ کمیونٹیوں میں بولی  جانے والی زبانوں میں فراہم کرتی ہے-

کینیڈا میں بیرون ملک سےآ کرآباد ہونے والوں ہیپاٹائٹس سی کی موجودگی۔

کینیڈا میں ہیپاٹائٹس سی سے متاثرہ افراد میں سے ایک تہائی افراد ان ممالک میں پیدا ہوئےہیں جہاں ہیپاٹائٹس سی کی شرح زیادہ ہے-کينيڈا کی عام آبادی کے مقابلے میں کچھ تارکين وطن کميونٹيز ميں ییپاٹائٹس سی کی شرح زيادہ ہے اس  ليے یہ ضروری ہے کہ آپ ہیپاٹائٹس سی کے بارے میں زیادہ آگاہی حاصل کریں اور اپنا طبی معائنہ کروائیں-

ہیپاٹائٹس سی اور جگر

ہیپاٹائٹس کا پھیلاؤ

ہیپاٹائٹس سی خون کےخون سے رابطے کےذریعے پھیلتا ہے-

ہیپاٹائٹس سی محض متاثرہ افراد کو چھونے، گلے لگانے یا چومنے سے نہیں پھیلتا- ناں ہی  یہ اس وقت پھیلتا ہےجب جراحی اورمنشیایات کے ليےنئے یا جراثیم سے پاک اوزار استعمال کئے جائیں۔

یہ وائرس جِلد اور جسم کی دیگر حفاظتی تہوں کے کٹے پھٹے حصوں کے ذریعے خون میں شامل ہوتا ہے۔ یہ وائرس اتنا سخت جان ہے کہ جسم سے باہر بھی کئی دن تک زندہ رہ سکتا ہے۔ اس کا مطلب ہے کہ خشک شدہ خون بھی اِس وائرس کے پھیلاوٓ کا موجب بن سکتا ہے۔

عام طور پر ہیپاٹائٹس سی مندرجہ ذیل طریقوں سے پھیلتا ہے:

• دانتوں کے علاج اورجراحی میں استعمال ہونے والے ایسے اوزاروں کا دوبارہ استعمال جن کو مکمل طور پر جراثیم سے پاک نہ کیا گیا ہو-
• ہیپاٹائٹس سی کے ٹیسٹ کے بغیر انتقالِ خون یا کسی عضو کی پیوند کاری۔  سن 1990 سے کینیڈا میں کسی کو خون لگانے سے پہلے اس کا ہیپاٹائٹس سی کا ٹیسٹ کیا جاتا ہے تاہم  بہت سے دوسرے ممالک میں یہ ٹیسٹ حال ہی میں شروع کیا گیا ہے۔
• ایسی سُویوں، سرنجوں اور دیگر اوزاروں کا مشترکہ استعمال جنہیں نشہ آور ادویات کو جسم میں داخل کرنے کے ليے استعمال کیا جاتا ہے- (اِن میں سرنجیں ، پٹیاں، کُکر، چمچ، چھلنی، پانی، رُوئی کے گالے وغیرہ شامل ہیں) ۔
• ایسے اوزاروں کا دوبارہ استعمال جو جسم چھیدنے اور جسم پر نقش و نگار بنانے میں کام آتے ہیں (مثلاً سُویاں، سیاہی، سیاہی دان)   اِس کے علاوہ آیکوپنکچر اورالیکٹرولسز میں دوبارہ استعمال ہونے والے آلات بھی ہیپاٹائٹس سی کے جراثیم کے پھیلاؤ کا باعث بن سکتے ہیں-

دیگر ذرائع جن سے ہیپاٹائٹس سی کا وائرس جسم میں داخل ہو سکتا ہے:

• ایک دوسرے کی ایسی ذاتی اشیاء کا استعمال جن پر خون لگا ہو- مثلاً اُسترا، ناخن تراش، ٹوتھ برش، وغیرہ۔  اِس کے علاوہ نائی کی دُکان سے شیو کروانا، جہاں ایک ہی اُسترے کو بار بار استعمال کیا جاتا ہے-
• کچھ ایسے روایتی طریق ہائے علاج جن میں جلد کو کاٹا یا چھیدا جاتا ہے- جیسا کہ کپ لگانا- اس سے بھی ہیپاٹائٹس سی کا وائرس جسم میں داخل ہو سکتا ہے-
• عام طورپرہیپاٹائٹس سی وائرس جنسی عمل کے ذریعے نہیں لگتا- مرد اورعورت کے درمیان جنسی عمل میں اس بیماری کی منتقلی کا امکان بہت ہی کم ہے- دو مردوں کے درمیان بغیرکنڈوم کے مقعد کے ذریعے کيے جانے والےجنسی عمل میں بیماری کی منتقلی کا امکان بھی کم ہی ہے- تاہم اس بیماری کی منتقلی کا امکان کچھ خاص عوامل کی موجودگی میں بڑھ جاتاہے جیسے کہ ايک فريق کو پہلے سے ايچ آئی وی يا کوئی دیگر جنسی بیماری ہو، جنسی عمل میں خون کی موجودگی اور جنسی عمل یا لذت کو بڑھانے کےنشہ آورادویات کا استعمال-
• کینیڈا میں حاملہ ماں سے بچے کو ہیپاٹائٹس سی کے لگنے کے امکانات بہت کم ہیں- تاہم ایسے ممالک جہاں صحت کا نظام بہت ترقی یافتہ نہیں وہاں یہ امکان زیادہ ہو سکتا ہے-

ہیپاٹائٹس سی کی طبی جانچ

ہیپاٹائٹس سی کا علاج

ہیپاٹائٹس سی کا علاج ممکن ہے!

آجکل ہیپاٹائٹس سی کا علاج بے حد موٓثر ہے اور تقریباً ہر کسی کو صحت یاب کرسکتا ہے۔ زیادہ تر لوگوں کو ہیپاٹائٹس سی سے صحت یاب ہونے کے لیئے علاج کی ضرورت پڑتی ہے۔ ہیپاٹائٹس سی کا علاج کرنے والی ادویات براہ راست اثر کرنے والی ردِ وائرس ادویات ( DAAs) کہلاتی ہيں۔ يہ ادویات گولیوں کی شکل ميں دستیاب ہيں۔یہ ادویات کھانے ميں آسان ہيں اور مختصر عرصے کے ليے لینی پڑتی ہیں۔ اہم بات یہ ہے کہ اِن ادویات کے ذیلی اورمضرِصحت اثرات بہت کم ہیں۔

ہر وہ شخص جسے ہیپاٹائٹس سی ہے اُسے اپنے علاج کے بارے میں اپنے معالج سے رجوع کرنا چاہئے۔

ہیپاٹائٹس سی کے علاج کے احداف

• جسم سے وائرس کا خاتمہ۔
• جگرکو پہنچنے والے نقصان کو کم سے کم سطح تک لے جانا ۔
• فرد کے معيارزندگی کو بہتر بنانا ۔
• ديگر افراد ميں ہیپاٹائٹس سی کے پھيلاؤ کو روکنا۔ اگر ايک شخص کا کامیاب علاج ہو چکا ہو تو اس کا مطلب ہےکہ اسکے جسم سے وائرس ختم ہو چکا ہے اور اب وہ شخص ہیپاٹائٹس سی کا وائرس کسی دوسرے صحت مند فرد میں منتقل نہیں کرسکتا۔

علاج کے ليے تياری

ہیپاٹائٹس سی کے لئے کئی طريقہ علاج دستياب ہيں۔ کسی ايک طريقہ علاج کا انتخاب کرتے وقت مندرجہ ذيل عوامل کو مدِنظر رکھا جاتا ہے ۔

• جگر کو پہنچنے والے نقصان کی نوعيت
• وائرس کی قسم
• آيا اس شخص کا پہلے کبھی ہیپاٹائٹس سی کا علاج ہوا ہے يا نہيں۔
• کوئی ایسی ادويات جو مريض پہلے سے ہی استعمال کر رہا ہے۔
• کوئی اور بیماری

علاج کےليے تيار ہونے کا مطلب ہے کہ اپنے معالج کے ساتھ مل کر ايک پلان تشکيل ديا جائے اور اس بات کو يقينی بنايا جائے کہ آپ کو علاج پرکاربند رہنے کے ليے اپنے خاندان اوردوستوں کی مدد حاصل ہوگی۔ معالج علاج سے پہلے، علاج کےدوران اور علاج کے خاتمے پرآپ کی صحت کا جائزہ لے گا۔

يہ علاج آپ کے جگر اور آپ کی زندگی کو بچا سکتا ہے۔

علاج وائرس کو جسم سے ختم کرتا ہے مگر یہ وائرس کے دوبارہ نہ لگنے کی ضمانت نہیں-

جسم سے ہیپاٹائٹس سی کے وائرس کے خاتمے کے بعد بھی جسم میں اِس کے خلاف قوتِ مدافعت پیدا نہیں ہوتی- لہٰذا مریض کو دوبارہ یہ وائرس لگنے کا امکان موجود رہتا ہے-

وائرس کے ساتھ دوبارہ رابطہ سے بچنے کے ليئے ضروری اقدامات  کرتے رہیں یہ آپ کو ہیپاٹائٹس سی سے بچانے ميں مددگار ہوتے ہيں۔ اگر ہیپاٹائٹس سی کا وائرس آپ کے جسم ميں دوبارہ داخل ہوجائے ،آپ کا ٹيسٹ مثبت آئے اور وائرس آپ کے جسم سے خودبخود ختم نہ ہوسکے تو آپ کو  دوبارہ علاج کی ضرورت ہو گی۔

ہیپاٹائٹس اے اور بی کے درميان فرق

آپ کے قرب و جوار ميں ہیپاٹائٹس سی کی سروسز

اپنے قرب وجوار ميں ہیپاٹائٹس سی کی سروسز تلاش کریں۔

کينيڈا ميں رہنے والے افراد اس آن لائن آلےکی مدد سے اپنے علاقے ميں موجود ہیپاٹائٹس سی کی سروسز کو تلاش کر سکتے ہيں۔ http://hcv411.ca

اونٹیریو میں رہنے والے افراد سیکشول ہیلتھ انفولائن اونٹیریو سے رابطہ کر کے ایچ آئی وی، ہیپاٹائٹس سی اور جنسی صحت کے بارے میں معلومات حاصل کر سکتے ہیں۔یہ انفارمیشن لائین  ہندی، پنجابی، اُردو، ٹیگالاگ، مینڈرِن، کینٹونیز اور دیگر زبانوں میں معلومات فراہم کرتی ہے۔ جب آپ فون کریں توہو سکتا ہے کہ آپ کو ایک خاص وقت دیا جائے جب آپ اپنی زبان بولنے والے کونسلر سے بات کر سکیں گے- یہ آپ کوٹیسٹ کےليے اونٹاریو میں کسی کلینک میں بھی ریفرکر سکتے ہیں۔

اونٹاریو میں ٹول فری کال کریں: 7544-686-800-1

بروز سوموار سے جمعہ: صبح 10 بجے سے شام 10:30 بجے تک

بروز ہفتہ اور اتوار: صبح 11 بجے سے سہ پہر 3 بجے تک

اونٹاریو سے باہرمعلومات کے ليے اپنے ڈاکٹر یا صحت کی سہولتیں مہیا کرنےوالے افراد سے رابطہ کریں۔