உங்கள் மொழியில் ஹெபரைற்றிஸ் C பற்றி மேலும் அறியவும்

இந்த வலைத்தளமானது, தற்போது வரைக்குமான புதிதாக வரும் அடிப்படை ஹெபரைற்றிஸ் C(Hepatitis C)பற்றிய தகவலை, ஒன்ராறியோவின் மிக அதிகளவிலான புலம்பெயர்ந்த சமூகங்களில் பேசப்படும் மொழிகளில் வழங்குகிறது.

கனடாவின் குடிவரவாளர்கள் மற்றும் புதிய வரவாளர்கள் மத்தியில் ஹெபரைற்றிஸ் C

கனடாவில் ஹெபரைற்றிஸ் C நோயால் பாதிக்கப்பட்ட மூன்று பேரில் ஒருவர் பிறநாட்டில் பிறந்துள்ளவர், பெரும்பாலானவர்கள் ஹெபரைற்றிஸ் C உயர்ந்த விகிதத்தில் உள்ள நாடுகளில் இருந்து வந்தவர்கள். கனடாவின் பொது மக்களில் இருப்பதை விடவும் ஹெபரைற்றிஸ் C குடியேறிய சில குழுக்களில் சர்வ சாதாரணமானது. இதனால்தான் ஹெபரைற்றிஸ் C பற்றி நீங்கள் மேலும் தெரிந்து கொள்வதும் பரிசோதனை செய்வதும் மிகவும் முக்கியம்.

ஹெபரைற்றிஸ் C உம் கல்லீைலும்

ஹெபரைற்றிஸ் C கடத்தல்

ஹெபரைற்றிஸ் C இரத்தத்திலிருந்து இரத்தத்திற்குக் கடத்தப்படுகிறது.

ஹெபரைற்றிஸ் C சாதாரணத் தொடர்பு மூலம் அல்லது வைரஸ் கொண்ட ஒருவரைக் கட்டியணைத்தல், முத்தம் கொடுத்தல் அல்லது தொடுதல் மூலம் பரவுவதுமில்லை அல்லாது மருத்துவ நடைமுறைகள் அல்லது மருந்து பாவனையில் புதிய அல்லது ஒழுங்காகக் கிருமிநீக்கம் செய்யப்பட்ட கருவிகளைப் பயன்படுத்தினால் அது பரவுவதுமில்லை. தோல் அல்லது உடலில் உள்ள மற்ற பாதுகாப்பு அடுக்குகளில் உள்ள இடைவெளிகள் அல்லது கிழிவுகள் மூலம் வைரஸ் இரத்தத்திற்குள் செல்கிறது. ஹெபரைற்றிஸ் C ஒரு வலிமையான வைரஸ் – இதனால் உடலுக்கு வெளியே பல நாட்களுக்கு வாழ முடியும். இதன் அர்த்தம் அந்த வைரஸ் உலர்ந்த இரத்தத்தினூடாகப் பரப்பப்பட முடியும் என்பதாகும்.

ஹெபரைற்றிஸ் C அநேகமாக பின்வரும் வழிகளால் கடத்தப்படுகிறது:

• ஒழுங்காகக் கிருமிநீக்கம் செய்யப்படாத மருத்துவ, பல்மருத்துவ அல்லது அறுவைச்சிகிச்சை உபகரணங்களை திரும்பவும் பயன்படுத்துதல். கனடாவில், மருத்துவ, பல்மருத்துவ மற்றும் அறுவைச் சிகிச்சை உபகரணம் ஒழுங்காகக் கிருமிநீக்கம் செய்யப்பப்படுகிறது.  கனடாவுக்கு வெளியே உள்ள சில மருத்துவ வசதிகளில், இந்த உபகரணம் ஒழுங்காகக் கிருமிநீக்கம் செய்யப்படாதிருக்கலாம்.
• ஹெபரைற்றிஸ் C ற்குப் பரிசோதனை செய்யப்படாத குருதி மாற்றீடு அல்லது உறுப்பு மாற்று சிகிச்சை பெறுதல். கனடாவில் 1990 ஆம் ஆண்டு முதல் இரத்த தானம் செய்யப்படும் குருதி ஹெபரைற்றிஸ் C ற்குப் பரிசோதனை செய்யப்படுகின்றது. சில நாடுகள்  சமீப காலம் வரையில் பரிசோதனை செய்யத் தொடங்கவில்லை.
• மருந்துகள் தயாரித்தல் மற்றும் செலுத்துதலுக்காகப் பயன்படுத்தப்படும் ஊசிகள் மற்றும் உபகரணங்களைப் பகிர்ந்துகொள்தல் (ஊசிகள், விசைப்பீச்சு ஊசிகள், குருதித்தடுப்பு கருவிகள் அல்லது இணைப்புகள், அடுப்புகள், கரண்டிகள், வடிகட்டிகள், நீர் மற்றும் உறிஞ்சும் பஞ்சுறை உட்பட).
• துளையிடுதல் மற்றும் பச்சை குத்திக்கொள்ளுதல் அல்லது மின்பகுப்பு அல்லது குத்தூசி மருத்துவம் ஆகியவற்றுக்கான உபகரணங்களை (ஊசிகள், மை மற்றும் மைக்குடுவைகள் உட்பட) மீண்டும் பயன்படுத்துதல்.

ஹெபரைற்றிஸ் C வேறு வழிகளில் உடலில் உள்ளே செல்ல முடியும்:

• அவற்றில் இரத்தத்தைக் கொண்டிருக்கக்கூடிய சவர அலகுகள், நகம்வெட்டிகள் மற்றும் பற்தூரிகை போன்ற தனிப்பட்ட பராமரிப்புப் பொருட்களைப் பகிர்தல் அல்லது இரவல் வாங்குவதல். இது சமூக முடிதிருத்தும் கடைகளில் சவர அலகுகள் மீண்டும் பயன்படுத்துகிறபோது சவரம் செய்வதையும் உள்ளடக்கும்.
• ஈரமான இரத்தம் உறிஞ்சுதல் (wet cupping) போன்ற தோலை வெட்டுதல் அல்லது துளையிடுதல் என்பவற்றை உள்ளடக்கிய பாரம்பரிய முறையில் குணப்படுத்துபவர்கள் பயன்படுத்தும் சில நடைமுறைகள்.
• பாலியல்ரீதியாக ஹெபரைற்றிஸ்C கடத்தப் படுதல் பொதுவானதல்ல. எதிர்பாலின சேர்க்கையினூடகப் கடத்தப்படுவது மிகவும் அரிதானது மற்றும் ஆண்களிடையே பாதுகாப்பு உறையற்ற குத பாலுறவு மூலம் கடத்தப்படுவது அரிதானது. எச்ஐவி (HIV),பாலியலால் பரவிய நோய்த்தொற்றுகள்,இரத்தம் உள்ளபோது பாலுறவு மற்றும் வேதியல் சேர்க்கை(உறவை அதிகரிப்பதற்கும் நீடிப்பதற்கும் தெருமருந்துகளை பாவித்தல்) போன்ற உறுதியான காரணிகள் உள்ளபோது ஆபத்து அதிகரிக்கிறது.
• கர்ப்பம் அல்லது பிரசவத்தின்போது ஹெபரைற்றிஸ் C  தாயிடமிருந்து குழந்தைக்குச் செல்லும் ஆபத்து பொதுவாகக் கனடாவில் குறைவாக உள்ளது. இருப்பினும், சுகாதார நடைமுறைகள் வேறுபட்டுள்ள மற்ற நாடுகளில் ஹெபரைற்றிஸ் C உள்ள தாய்மார்களுக்குப் பிறந்த குழந்தைகளின் விடயத்தில் இது கூடுதலாக இருக்கலாம்.

ஹெபரைற்றிஸ் C பரிசோதனை

ஹெபரைற்றிஸ் C சிகிச்சை

ஹெபரைற்றிஸ் C குணப்படுத்தக் கூடியது! 

ஹெபரைற்றிஸ் C சிகிச்சை மிகவும் பயனுள்ளது அத்துடன் அது   கிட்டத்தட்ட அனைவரையும் குணமாக்குகிறது. பெரும்பாலான மக்களுக்கு ஹெபரைற்றிஸ் C ஐ குணமாக்கச் சிகிச்சை தேவை. ஹெபரைற்றிஸ் C சிகிச்சைகள் நேரடி-செயற்பாட்டு வைரஸ் கொல்லிகள் அல்லது DAAs என்று அழைக்கப்படுகின்றன. அவை மாத்திரை வடிவில் வருகின்றன, எடுத்துக் கொள்வதற்கு எளிதானவை, சில பக்க விளைவுகள் கொண்டவை மற்றும் சிறிது காலத்திற்கு எடுத்துக் கொள்ளப்படுபவை.

ஹெபரைற்றிஸ் C கொண்ட அனைவரும் அவர்களது சிகிச்சைத் தெரிவுகள் பற்றித் தங்கள் சேவை வழங்குநரிடம் பேச வேண்டும்.

ஹெபரைற்றிஸ் C சிகிச்சையின் நோக்கம்:

• உடலில் இருந்து வைரசை அழித்தல்
• கல்லீரல் பாதிப்பைக் குறைத்தல்
• ஒருவரின் வாழ்க்கைத் தரத்தை மேம்படுத்தல்
• ஹெபரைற்றிஸ் C மற்றவர்களுக்குப் பரவுவதைத் தடுத்தல் – ஒருவர் ஹெபரைற்றிஸ் C  இலிருந்து குணப்படுத்தப்படுகிறார் எனில், வைரஸ் இனி உடலில் கண்டறியப்பட முடியாது  மற்றும் மற்றவர்களுக்குக் கடத்தப்பட முடியாது என்று அர்த்தமாகும்.

சிகிச்சைக்குத் தயாராகுதல்

ஹெபரைற்றிஸ் C சிகிச்சையில் பல சிகிச்சைத் தெரிவுகள் உள்ளன. ஒரு சிகிச்சைத் தெரிவைத் தேர்ந்தெடுக்கும்போது, ​​கருத்தில் கொள்ள வேண்டிய காரணிகளில் உள்ளடங்கியவை:

• கல்லீரல் பாதிப்பின் அளவு
• வைரசின் செயற்திறன் அல்லது மரபணு வகை
• அந்த நபர் முன்பே சிகிச்சை செய்யப்பட்டுள்ளாரா இல்லையா
• அந்த நபர் ஏற்கனவே எடுக்கும் மருந்துகள்
• பிற சுகாதார நிலைமைகள்

சிகிச்சைக்குத் தயாராகுதல் என்பதன் பொருள் உங்கள் உடல்நலப் பராமரிப்பு வழங்குநருடன் ஒரு திட்டத்தை உருவாக்குதல் மற்றும் உங்களது சிகிச்சையில் உறுதியாக இருப்பதற்கு, குடும்பத்தினர் மற்றும் நண்பர்களிடமிருந்து உங்களுக்குத் தேவைப்படும் ஒத்துழைப்பு  உங்களுக்கு இருப்பதை உறுதிப்படுத்துதல் ஆகும். சுகாதாரப் பராமரிப்பு வழங்குநர்கள் சிகிச்சையின் போதும், அதற்கு முன்னரும் பின்னரும் நோயாளிகளை மதிப்பீடு செய்வர்.
சிகிச்சை ஒருவரின் கல்லீரலையும் அவர்களது வாழ்க்கையையும் பாதுகாக்க முடியும்.

ஒரு சிகிச்சை உடலில் இருந்து வைரசை அழிக்கும், ஆனால் மீண்டும் தொற்றுதற்கு எதிராகப்  பாதுகாக்காது.

நோயாளிகள் வைரசிலிருந்து குணப்படுத்தப்பட்ட பின்னர், ஹெபரைற்றிஸ் C ற்கு நோய் எதிர்ப்பு சக்தியை உருவாக்குவதில்லை, எனவே மீண்டும் தொற்று ஏற்படுவதற்கு வாய்ப்பு உள்ளது. வைரஸ் தொடர்பு மீண்டும் வருவதைத் தவிர்க்கும் வழிமுறைகளை எடுத்துக் கொள்வது (மறுவெளிப்பாடு) நீங்கள் ஹெபரைற்றிஸ் C இல்லாமல் தொடர்ந்து வாழ்வதற்கு உதவும்.

நீங்கள் ஹெபரைற்றிஸ் C வைரசின் மீள் வெளிப்பாட்டிற்கு உட்பட்டால், ஹெபரைற்றிஸ் C க்கு நேர்மறை சோதனை செய்து திரும்பத் தொற்றிய பின்பு இந்த வைரசைத் தன்னிச்சையாக அழியவிடாமல், நீங்கள் மீண்டும் சிகிச்சைக்கு உட்பட வேண்டும்.

ஹெபரைற்றிஸ் A, B மற்றும் C  : வேறுபாடுகள்

உங்களுக்கு அருகில் உள்ள ஹெபரைற்றிஸ் C சேவைகள்

உங்களுக்கு அருகில் உள்ள ஒரு ஹெபரைற்றிஸ் C சேவையைக் கண்டறியவும்.

கனடாவில் வாழும் மக்கள் தங்கள் பகுதியில் கிடைக்கக்கூடிய சேவைகளைக் கண்டறிய இந்த வலைத்தளப் பொறியைப் பயன்படுத்தலாம்: http://hcv411.ca/

ஒன்ராறியோவில், ஹெபரைற்றிஸ் (Hepatitis), எச்ஐவி(HIV) மற்றும் பாலியல் உடல்நலம் பற்றிய தகவல்களைப் பெற மக்கள் ஒன்ராறியோ பாலியல் உடல்நல  இணைப்பைத்(Sexual Health Infoline Ontario) தொடர்பு கொள்ளலாம். இது ஹிந்தி, பஞ்சாபி, உருது, டாகாலாக், மாண்டரின், கான்டோனீஸ் மற்றும் பல மொழிகளில் சேவைகளை வழங்குகிறது. நீங்கள் அழைக்கும் போது, ​​உங்களது விருப்பமான மொழியில் ஒரு ஆலோசகரிடம் பேச ஒரு குறிப்பிட்ட நேரம் உங்களுக்கு வழங்கப்படலாம். மேலும் அவர்கள் சோதனை செய்யப்படுவதற்காக ஒன்ராறியோவில் உள்ள ஒரு மருத்துவ மையத்திற்கு உங்களைப் பரிந்துரைக்கலாம்.

ஒன்ராறியோவில் உள்ள கட்டணமற்ற அழைப்பை அழையுங்கள்: 1800-686-7544
திங்கள் முதல் வெள்ளி வரை: காலை 10 மணி – 10:30 மணி
சனிக்கிழமை மற்றும் ஞாயிற்றுக்கிழமை: காலை 11 மணி – மாலை 3 மணி

ஒன்ராறியோவுக்கு வெளியே உங்கள் சுகாதார வழங்குநரைத் தொடர்பு கொள்ளவும்.